Padayon sa makaron ro imbestigasyon it mga otoridad sa pagkaduea it mga passenger plane sakay ro 22 katawo sa Nepal.
Suno sa operating airline ag officials, nalisdan sigon ro mga otoridad sa ginapatigayon nga search operation bangud sa maeain nga panyempo.
Ro Twin Otter aircraft nga gina-operate it Tara Air hay nag-take off sa western town it Pokhara ag paagto it Jomsom.
Naduea-an sigon it contact ro eroplano sa air traffic control matapos ro 15 minuto.
Suno kay Sudarshan Bartaula, spokesman it Tara Air nga may 19 nga pasahero ag tatlong crew members ro eroplano.
Kaibahan sa mga pasahero ro daywang Germans ag ap-at nga Indians ag ro mga nabilin hay mga Nepali.
Samtang, daywang helicopter eon man ro na-deploy para sa padayon nga search operation.
