-- ADVERTISEMENT --
Napaseawan nga madipensahan it Gilas Pilipinas ro andang korona matapos mapiyerde it Indonesia sa 31st Southeast Asian (SEA) Games sa Hanoi, Vietnam.
Napiyerde ro Gilas sa score nga 85-81 sa hampang nga ginpatigayon sa Thanh Trì District Sporting Hall.
Bangud kara,natapos eon ro streak it nasyon nga 13-consecutive gold medals sa SEA Games ag kabilugang 33 dag-on nga pagiging hari sa Southeast Asia.
Raya ro unang kahigayunan umpisa ku nagtaliwan nga dag-on it 1989 SEA Games sa Kuala Lumpur, Malaysia nha indi maga-uli it Pilipinas ro gold medal sa men’s basketball.
Nagtapos ro Gilas sa silver medal ag nagwakas ro andang kampanya sa 5-1 win-loss record.
-- ADVERTISEMENT --
