Uman nga naglunsar ro North Korea it daywang short-range ballistic missiles.
Suno sa South Korea Joints Chief of Staff, nga naghalin ro paglunsar sa Munchon area it Kangwon Province ag dumiretso sa kaeawra.
Suno man kay Japanese State Minister of Defense Toshiro Ino nga ginlunsar ro missile sa tunga it 1:47 hasta 1:53 kahapn it agahon.
Ro nasambit nga missile hay nagtugpa sa guwa it Exclusive Economic Zone it Japan.
Nag-eupad ro unang missile sa may 350 kilometers nga may taas it hasta 100 kilometers.
Raya eon ro 25 missile launch nga ginlunsar it North Korea makaron nga dag-on.
Samtang, ginlaygayan man it Japanese goverment ro andang coastguard nga indi pagpaeapitan ro ano mang makit-an nga debris sa kaeawran nga halin sa missile it North Korea.
