Positibo ro gobyerno it Pilipinas nga kayang maipanaba sa 9% ro lebel it kapobrehan sa nasyon sa masunod nga an-um nga dag-on ukon sa 2028 sa idaeom it Marcos administration.
Raya ro ginpahayag ni Socioeconomic Planning Secretary Arsenio Balisacan sa naging pagpueong sa Palasyo Malacañang.
Mapatigayon sigon raya sa pamaagi it paghimu it de-kalidad nga mga trabaho ag pagpaningasog sa social protection system.
Raya hay para masabat ro naging epekto it mga nagpaeanasang bagyo ag ro ginapangatubang nga krisis para mabuligan ro nasyon nga maangkon it mas madasig ro katuyuan nga mapanaba ro kapobrehan.
Kung madumduman ko nakataliwan nga dag-ong 2021 tumaas ro poverty incidence sa nasyon it hasta 19.1% nga katumbas it 19.99 million Pilipino nga mga kubos sandig man sa datos maghalin sa Philippine Statistics Authority (PSA)
