Numero it mga namatay bangud sa Bagyong Agaton, humampak eon sa 175, dugang nga 110 katawo nagapabilin nga missing

Nagsaka eon sa 175 katawo ro kabilugang numero it mga namatay matapos ro pagpanaeasa it nagtaliwang bagyong Agaton sandig man sa pinakaulihing situational report halin sa National Disaster Risk Reduction and Management Council (NDRRMC).

Sa nasambit nga numero, nagaabot sa 156 ro namatay halin sa Eastern Visayas, 14 sa Western Visayas , 3 sa Davao Region ag daywang katawo man ro namatay sa Central Visayas.

Samtang, nagapabilin nga missing ro 110 katawo.

Kaeabanan nga naduea hay 104 maghalin sa Eastern Visayas, lima halin sa Western Visayas ag sambilog sa Davao Region.

Kamana man, nagaabot sa 2 million katawo ro apektado it bagyong Agaton halin sa masobra 2,000 nga mga barangay.