Nakataeanang magdihon sa mas madaling panyempo ro Office of the Solicitor General (OSG) it quo warranto case kontra kay suspended Bamban Mayor Alice Guo.
Raya hay matapos nga kumpirmahon it National Bureau of Investigation (NBI) nga nagatugma ro fingerprint it suspendidong alkalde sa Chinese national nga si Guo Hua Ping.
Ginpahayag ni Solicitor General Menardo Guevarra nga makabig nga breakthrough ro findings it NBI nga ginahueat it Office of the Solicitor General nga nagtao it kaklaruhan sa tanan nga mga kutana angot sa minatuod nga pagkakilan-ean ni Guo kaibahan ro anang nasyonalidad.
Sigurado sigon nga mapadasig kara ro andang magiging legal nga aksiyon.
Igadihon it Office of the Solicitor General ro kaso samtang presenteng ginarepaso pa ro andang existing drafts kasunod it findings it NBI.
Ro quo warranto hay sangka legal nga pamaagi para pamaeabagan ro kinamatarong it sangka tawo sa anang ginadumaeahan nga posisyon.
