Ginpahayag it Office of the Vice President nga sa P134 million nga balor ro nai-proseso it andang opisina para sa medical ag burial assistance sa unang 100 days kara.
Sa nasambit nga haega, P124.5 million ro naghalin sa medical aid samtang 9.7 million man sa burial assistance.
Gaabot man sa 13,315 recipients ro nagapabilin sa taeatapan ni Vice President Sara Duterte maghalin sa main office ag pitong satellite offices.
Nasayuran nga nakigbueoligan eon ro OVP sa Department of Health para sa Medical Assistance to Indigent Patients program kung siin 31 public hospitals ro sakop sa bilog nga nasyon.
Kabulig man kara ro Department of Social Welfare and Development para sa pagpaguwa it Assistance to Individuals in Crisis Situation.
Kapin sa P20,000 ro maximum amount nga gintao sa medical services pamaagi sa guarantee letter.
Kung siin bueong ro ginpanupod it OVP sa kada benepisyaryo samtang petty cash ro gintao sa mga burial assistance.
