-- ADVERTISEMENT --
Nagahueag eon ro mga awtoridad para ma-contain ro tumagas nga langis halin sa nag-eogdang nga Philippine-flagged Motor Tanker Terra Nova sa may parte it Manila Bay sa may banwa it Limay sa probinsiya it Bataan.
Suno kay Philippine Coast Guard Rear Admiral Armand Balilo, engkasong tanan nga 1.4 milyong litro it langis nga sueod it tanker hay tumagas sa eawod, posibleng umabot raya sa baybayon it kapital it nasyon sa Maynila.
Engkasong matabo, raya eon ro makabig nga pinakamalalang oil spill sa kasaysayan it nasyon.
Sa makaron suno sa PCG official, mismong ro working fuel it tanker ukon langis nga ginamit it tanker ro tumagas nga minimal eamang.
