Ginkundina it Office of the Ombudsman ro pagbulgar it pagkatawo it mga imbestigador kara online.
Nakikipagbueuligan makaron ro anti graft court sa mga law enforcement agencies agud nga matumod ro mga una sa likod it pag-leak para mapasakaan ro mga raya it nagakaigo nga kaso.
Sa sangka pahayag, ginpaabot it Ombudsman nga ro bukon it awtorisadong pagpaguwa it pagkatawo it andang mga imbestigador hay ginhungod agud nga maghatud it kahadlok ag ibutang sa peligro ro andang kaeowasan.
Nakikipag-angot eon ro Ombudsman sa National Bureau of Investigation (NBI) ag Philippine National Police-Anti-Cybercrime Group (PNP-ACG) para matumod ro mga responsable.
Ginpamilit it Ombudsman, ro mga una sa likod it pag-leak ag sirkulasyon it mga dokumento hay posibleng magapangatubang sa mga kaso sa idaeum it Data Privacy Act .
