KALIBO, Aklan—Ginpaburan it pilang sangguniang panlalawigan member ro rekomendasyon it Inter-Agency Task Force nga obrahon nga boluntaryo eon lang ro pagsuksok it face mask.
Suno kay Kalibo SB member Ronald Marte nga ro rekomendasyon hay case to case basis kun sa siin kon sa “outdoor” ag “open spaces” hay pwedeng indi eon mag face mask apang kon sa transportasyon, “indoor” ag matawong lugar hay dapat nga magsuksok kara.
Gindugang pa ni Marte nga bangud sa paeaabuton nga mga selebrasyon kapareho it opening salvo, pista minatay, paskwa ag Ati-atihan festival hay gin engganyo nana ro tanan nga magsunod sa minimum health protocol ag kon pwede hay magpa-booster shot agud nga makaangkon it dugang nga proteksyon kontra covid 19.
