Nagtaeana it may kabilugang P1.1 billion nga pondo para sa disaster response it Department of Social Welfare and Development (DSWD) para makapanupod it bulig sa mga indibidwal nga apektado it pagpaeanasa it bagyong Karding.
Suno kay DSWD spokesperson Romel Lopez, presente eon nga nagapatigayon ro provincial ag regional offices it DSWD it relief efforts sa Ilocos Region, Cagayan Valley, Central Luzon, Calabarzon, Mimaropa, Bicol Region, National Capital Region (NCR), ag Cordillera Administrative Region (CAR).
Kapin sa 224,000 family food packs ro nakapre-positioned eon ag haom nga igapanupod sa 194 evacuation centers kung siin temporaryong nagatinir ro kapin sa 9,000 indibidwal nga naapektohan it bagyong Karding.
Suno sa DSWD official, bastante ro nasambit nga pondo para mabuligan ro mga nadaeasa it bagyo.
Raya hay sa tunga it ginaeauman nga paglobo it numero it apektadong mga residente bangud sa kabaskog it pagpaeanasa it bagyo
