Gin-aku it Commission on Audit (COA) nga kapin sa P335 million ro haega it naduduea sa gobyerno bangud sa duplicates ag inconsistencies sa database it Pantawid Pamilyang Pilipino Program (4Ps) it Department of Social Welfare and Development (DSWD).
Sa Performance Audit Report it COA sa 4Ps program, ginrekomenda kara ro uman nga pagpatigayon it cleansing ukon palimpyo sa database it 4Ps para maayos ro duplicates ukon pagkapareho.
Sa ginpatigayon nga audit it ahensiya, may ginpaguwa nga grants sa 25,410 validated ag delisted duplicates maghalin sa 18 rehiyon nga nagabalor it kabilugang P335,485,000.
Nakadetect man it kapin sa 94,831 suspected duplicates sa database ko nagtaliwan nga dag-ong 2017.
Sa nasambit nga numero masobra 80,000 kaso ro naresolba it DSWD rason para magnaba ro incidence it duplication sa 4Ps.
Apang suno sa COA, as of June 30 , 2021 may 103,287 suspected duplicate households maghalin 2017 hasta 2021.
Raya hay nagabalor it P1.05 billion nga 4Ps assistance maghalin sa gobyerno.
Naresolba man it DSWD ro sa 3,066 duplicate cases, samtang sa 20,221 ro subject para sa field validation.
