Ginpaguwa it Commission on Audit (COA) ro kapin sa P4.5 billion nga nagastos it Office of the President ni dating Pangueong Rodrigo Duterte para sa confidential ag intelligence fund ko nagtaliwan nga dag-on it 2021
Maghalin sa P9.08 billion central intelligence fund (CIF) it national government agencies, sa P2.25 billion ro nagamit para sa confidential expenses (CE) ag P2.25 billion para sa intelligence expenses (IE).
Sandig sa 2021 Annual Financial Report (AFR) on National Government Agencies it COA, ro confidential expenses gay ginamit para sa surveillance activities sa civil government agencies samtang ro intelligence expenses mat-a hay ginamit para sa pag-usoy it mga aktibidad it mga uniformed, military personnel ag intelligence practitioners.
Ro nasambit nga kantidad nga gintaeana para sa confidential expenses ko nagtaliwan nga dag-on it 2021 hay sangkiring nagtaas it haeos P4 billion kumpara sa masobra 3.8 billion ko 2020.
Samtang, mas manaba man ro ginastos nga intelligence expenses nga sa P5.08 biliion kumpara sa IE ko 2020 nga kapin sa masobra P5.6 billion.
Ginpahayag man it COA nga sa kabilugang P1.39 billion sa confidential and intelligence funds ro ginamit it iba pang executive offices kung siin uambot sa P1.25 billion ro nagamit para sa CE ag P140.2 million para sa IE.
