Gin-insister it Philippine Coast Guard (PCG) nga kueang pa ro P60 milyon pesos nga ginapangayong danyos it gobyerno it Pilipinas sa China angot sa insidente sa West Philippine Sea (WPS) ko Hunyo 17 nga ginkautod it tudlo it sangka soldado.
Suno kay PCG Commodore Jay Tarriela, spokeperson for West Philippine Sea, maabo sigon nga mga insidente nga ginahungod ro pagsunggab it China Coast Guard sa mga barko it Philippine Coast Guard nga ginkasamad it mga kagamitan, mag-eowas pa sa paggamit it water canon nga masami nandang ginahimo ag ro insidente it laser pointing.
Ginpahayag dugang ni Tarriela nga ginabaliskad eon man it China ro hitabo sa pagpati nga sanda ro may legal nga nagapanag-iya sa mga teritoryo sa West Philippine Sea maskin nga uwa eon it bisa ro ginainsister nandang Nine-Dash Line, matapos itao it arbitral tribunal sa Pilipinas ro pagpanag-iya sa mga teritoryo sa West Philippine Sea.
