Target it Department of Budget and Management (DBM) nga isumite sa Kongreso sa Agosto 14 ro P7.2-trilyong National Expenditure Plan (NEP) para sa 2027, sandig sa gintaeana nga tyempo matapos ro State of the Nation Address (SONA) ni Pangueong Ferdinand Marcos Jr.
Mas mataas it an-om nga porsyento ro proposisyong badyet kumpara sa presenteng P6.793 trilyong pondo para sa 2026 ag katumbas it 21.7 porsyento it gross domestic product (GDP) it nasyon.
Suno sa DBM, nakapokus ro proposisyong badyet sa mga programang magapaeawig it oportunidad ag maga-solusyon sa pagkinahangean it pumueuyo.
Apang, ginkilea it ahensya ro mga hangkat sa pagnilog it budget bangud sa limitadong fiscal space, pagtaas it mandatoryong gaeastuson, ag mga obligasyong gintaean it laye.
Ro NEP ro magaserbeng basehan it General Appropriations Bill (GAB) nga uwa nagbuhay hay magiging General Appropriations Act (GAA).
