KALIBO, Aklan—Aprubado eun it presidente ro July 29 hasta April 15 agud sub’eangon ro sitwasyon nga kueang it 15 days para sa masunod nga school year.
Raya ro pahayag ni Vladimir Quetua spokesperson it Alliance for Concerned Teacher.
Panawagan man sigon nanda nga ieakot kara ro tertiary level bangud nga maeayo ro andang school calendar sa basic education.
Sa makaron sigon uwa man nanda nakikita nga maapektuhan ro school year apang sa 2025 hay nakikita sanda nga maapektuhan.
Sa school year 2025-2026 hay maga’umpisa eun it June hasta March 2026.
Pahayag ni Quetua nga kun seryoso gid man ro gobyerno kinahang’ean man nga solusyunan ro mga kakueangan sa classrooms bukon eamang it mga kueang nga school days pati man mga sweldo it manugturo.
Obserbasyon nanda nga bukon it climate resilient ro mga classrooms, dugangan man ro mga facilities nga ruyon ro andang handum.
Maabo man sigon ro naapektuhan it learning crisis base sa andang survey apang uwa man it bold action ro gobyerno.
Mas eabaw sigon ro mga inunga ukon manugturo nga apektado it tig’ilinit kaysa tig’oeuean.
May pila man sigon nga eskwelahan nga uwa pa napapa’ayos halin sa pagkasamad sa bagyo.
Uwa man sigon nakabulig ro asynchronous classes makaron bangud nga kinahang’ean man gumamit it mga gadgets, ag kun sa klase man hay bukon man it komportable bangud sa kainit eain sigon sa tig’uean nga bukon man it tanan nga parte it nasyon hay apektado.
Mabahoe sigon raya nga hangkat sa DepEd secretary kun paano nga solusyunan ro education crisis.
Nakakapangamba man sigon ro nagatinaas nga mga numero it out of school youth.
Makasueobo man sigon ro mga isyu parte sa mga gadget ukon presyo it gadget sa DepEd kun siin nga maabo ro overpriced kontra sa sweldo it mga manugturo.
Samtang, nagapahaom man sa Palarong Pambansa, recognition ag graduation ro mga eskwelahan.
Dugang nana nga bukon it tama nga sukton ro mga ginikanan para sa pakaon sa mga bisita sa mga aktibidad apang ro iba sigon hay kusa nga naga’aeamutan ukon gapangayo it bulig sa Local Government Unit it banwa.
Sa makaron nga dag’on sigon magatapos ro school year sa May 31.
