Nagapati ro grupong Alliance of Concerned Teachers nga tyempo eon para bumalik sa in-person classes ro mga estudyante.
Suno kay ACT Philippines Secretary General Raymund Basilio, sa raya nga pamaagi hay masolusyunan ro education crisis bangud maabong mga inonga ro inde gihapon kaantiguhan magsueat ag magbasa.
Raya hay matapos nga temporaryong ginsuspende ro face to face classes it haeos daywang dag-on bangud sa pandemya.
Maskin nga nakaangkon suno kana it blended learning hay uwa raya naging bastante para magkaantiguhan ro mga inonga sa learning nga para kanda.
Sa nakataeana nga full implementation it in-person classes, magapabilin ro mga ginapangatubang nga problema sa sektor it edukasyon.
Sambilog eon kara ro kakueangan sa mga manugturo ag classrooms.
Angot kara, ginakabaeak-an nanda nga makaangkon eon man it makeshift school para inde magdueotdutan ro mga estudyante sa sueod it kwarto bilang pagsunod eon man sa minimum health protocols.
Panawagan nanda sa gobyerno nga dugangan ro pondo sa sektor it edukasyon agud nga mapun-an ro mga kakueangan ag makapatindog it dugang nga mga classrooms para maging komportable ro pag-eskwela it mga inonga.
