KALIBO, Aklan — Ginaistudyuhan eon it lokal nga gobyerno it Aklan ro pagbukas it Boracay para sa international tourists halin sa mga nasyong manaba ro kaso it coronavirus disease ukon COVID-19 free eon.
Apang, suno kay Aklan 2nd District Cong. Teodorico Haresco Jr., gusto sigon ni Governor Florencio Miraflores nga tapuson anay ro konstruksyon it infectious disease center antes pasugtan ro mga dumueoong turista nga makasueod sa probinsya.
Ginaeaumang sa unang dominggo it Agosto hay magiging operational eon ro molecular testing laboratory sa Aklan agud insigidang masikyar kon sin-o ro mga posibleng infected it virus sa Boracay.
Sa makaron hay puro local tourist pa eamang halin sa Western Visayas ro ginapasugtan sa isla, kon sa siin, hugot ro pagpatuman it health ag safety measures.
Nauna kara, ginpangunahan ni Cong. Haresco ro pag-install it state of the art nga thermal imaging scanners nga may facial recognition sa Kalibo International Airport ag Caticlan Jetty Port nga mabahoe nga bulig sigon sa contact tracing.
