Eksakto ro ginhimo nga tikang it Aklan Media Integrated Alliance ukon AMIA nga pagdeklara bilang persona non grata sa dating brodkaster nga si Carlo Asturias.
Raya ro ginpahayag ni Mr. Jonathan Cabrera, CEO it radyo todo kasunod it paghangkat ag pagpamaeag ni Asturias kana pinaagi sa anang social media post.
Nagakadapat eamang sigon nga boe-an it kinamatarong sa media industry sa Aklan si Asturias bangud sa anang kabalastugan nga ginahimo sa mga tawo.
Ginasamad nana ro imahe it media para sa anang personal nga interest.
Angot kara, nagpanawagan si Cabrera sa iba pang biktima ni Asturias nga inde magkahadlok nga magpakilaea bangud nga ginpasiguro nana ro bulig sa mga raya oras nga magdesisyon nga magpasaka sanda it kaso kontra sa dating brodkaster.
Suno kay Cabrera, makapilang beses imaw nga nagta-o it tyansa kay Asturias bangud sa kaeooy bangud nga naging sakdalan kara ro anang onga nga makaeoeooy kon uwa imaw it trabaho.
Apang, oras eon sigon para kalison ro bulok nana nga ginahimo rason nga nakadesisyon eon imaw nga pahalinon sa anang estasyon si Asturias ag uwa eon it tyansa nga sakdagon pa nana raya it uman
