Nagpaguwa eon it pahayag ro Senado kaangot sa natabo nga insidente kabie, Hulyo 25, kung siin sambilog ro namatay matapos mahueog sa ginapatindog nga bag-ong bilding it Senado sa Taguig City.
Sa ginpaguwa nga pahayag ni Senate Spokesperson Atty. Arnel Jose Bañas, insigida nga ing paabot kay Senate President Chiz Escudero ro insidente ag eagi nga ginmando ro maid-id nga imbestigasyon.
Base sa pahayag halin sa security team nga sa site ag sa Southern Police District, sumueod ro biktima nga uwa anay ing pangaeani, sa constructon area it bilding bandang alas-9 kabie.
Gin eagas sigon ro biktima it anang kaibahan ag it mga security guards apang uwa raya nakit-an. Ginhaeoghog man it security team ro lugar ag gin-review ro CCTV apang uwa nanda makita ro biktima.
Bandang alas 10:00 it gabie kat aksidenteng mahu-eog ro biktima sa North Tower it New Senate Building apang indi pa masayran kung sa anong paeapag raya nahueog.
Insigida mang ginsugo it Senado ro paghigpit it seguridad sa tanan nga entry ag exit points ag facade barriers it ginapatindog nga bilding para nga uman nga malusutan ag matabo ro kaparehas nga insidente.
Nagpaabot man it simpatiya ro Senado sa pamilya it biktima.
