Ginpaathag ni Dr. Glenford Refre, sangka internal medicine-adult polmunology ro importansya it tueog sa sistema it tawo.
Raya hay kasunod it selebrasyon it World Sleep Day.
Suno kay Dr. Refre, ro pagkatueog hay ginakabig nga healing process it eawas.
Sa raya nga pamaagi suno kana hay mapabaskog ro immunity, mapagana it maayos ro isip ag ro sistema it eawas.
Ginpaathag dugang ni Dr. Refre nga sa pagkatueog nagakatabo ro mas epektibo nga pagsaayos sa mga nasamad nga tissue it mga eawas nga ginagamit sa adlaw-adlaw.
Dikara sigon nababayluhan it bag-o ro mga lumang cells ag naibabalik sa dati ro mga nasamad nga kaunod-unuran bangud sa sobrang pagtrabaho samtang bugtaw kita rason nga importante gid sa tawo nga eksakto ro tueog.
Mag-eowas kara, mapabaskog pa sigon ro aton nga resistensya ag mapaeayo sa nagkaeain-eain nga baeatian.
