Welcome development para kay Aklan first district board member Nemesio Neron nga napaiway ro barangay ag sangguniang kabataan election nga nakataeana kunta sa buean it Disyembre it makaron nga dag-on.
Suno kana, bag-o eamang nakaangkon it eleksyon ro Pilipinas ag nagakadapat nga taw-an it kahigayunan ro mga barangay officials nga magperform sa andang obligasyon sa ibang bagay.
Raya hay matapos nga nakapokus eamang sanda sa haeos daywang dag-on nga pagpanerbisyo kon paano matapna ro pandemya.
Ginpahayag dugang ni Neron nga ro mga barangay officials hay nagtrabaho man it husto.
Apang, aminado imaw nga may una gidman nga mga pasaway nga opisyales pero hueoyapon eamang ro mga raya.
Makaron nga naextend it uman ro andang pagpanerbisyo hay may kahigayunan pa sanda nga maobligahan ro iba pa nandang obligasyon bilang sueoguon ag lider it pumueoyo sa baryo.
