Kalibo Aklan ———–Makabig nga taktika eamang it Russia ro ginhimo nga pagpapundo sa sangka gas industry company nga nakabase sa nasambit nga nasyon sa pag-supply it gas sa Poland ag Bulgaria.
Raya hay kasunod it naging pagpamalibad it daywang nasyon sa naging mandu ni Russian President Vladimir Putin sa European countries nga magbayad it rubles ukon ro kwarta it Russia para sa pagbakae it gas .
Suno kay Bombo International Correspondent Greg Aguilar it USA nga owa man it masyadong epekto ro nasambit nga tikang bangud nga tag-init makaron sa Europa kamana man nga may bastante sanda nga reserba ukon supply .
Kinahangean eamang sigon nanda ro natural gas nga kaeabanan nga gina supply it Russia kada winter ukon tig-eaeamig bangud nga ginagamit nanda raya nga heating fuel.
Mag-eowas kara, gindugang pa ni Aguilar nga ro amerika hay nagatinguha makaron nga makapag-supply it alternatibong natural gas ag crude oil sa western Europe.
Imbes nga sa Russia hay magabakae eon lang ro kaabuan nga mga nasyon sa Westen Europe sa middle east, Canada , UK ag iba pa .
Nagapati si Aguilar nga magabalik kay putin ro ginhimo nga natural gas embargo.
Nauna eon nga ginpahayag it Poland government nga plano nanda nga punduhon sa katapusan it makaron nga buean ro pagbakae it supply it langis ag indi eon iga-extend pa ro gas contract sa energy giant nga Gazprom nga sambilog sa ginakabig nga world’s biggest natural gas company sa bilog nga nasyon .
