Ginkaakig it sektor it transportasyon ro naging anunsyo ni Pangueong Ferdinand Marcos Jr. nga ginapasuspinde nana sa Department of Transportation ukon DoTr ro pagpataas it pamasahe sa public utility vehicle ukon PUV’s.
Suno kay No to PUV Phaseout Coalition Panay lead convenor Elmer Forro, sa katiting nga gintaas sa pamasahe hay ginpagdamot pa raya it gobyerno.
Sa kamatuoran suno kay Forro, haeos 50 porsyento sa mga PUV’s driver sa Western Visayas ro nagpundo eon sa pagpamasada bangud sa kakueangan it kita.
Makabig nga band-aid solution ro padayon nga ginahimo makaron it gobyerno ag uwa sanda it nakikita nga kongkretong aksyon nga makabulig sa mga raya nga mapaugan ro andang ginapas-an nga kalisod.
Angot kara, kaisa sanda it grupong PISTON nga magapatigayon it daywang adlaw nga nationwide welga ag noise barrage agud nga maipaabot sa gobyerno ro andang hinaing sa sektor it transportasyon tuga it sigidas nga pagtimbook it presyo it produktong petrolyo.
