Ginaduso ni ACT Teachers Rep. France Castro ro dugang nga suweldo sa mga manugturo nga ginatuyo karang maieakot sa mga ginataw-an it prayoridad nga layi sa ika -19th Congress.
Ginpahayag ni Castro nga naaywanan eun ro suweldo it mga manugturo kung igakumpara sa mga nurse, pulis ag militar apang tambak man gihapon ro trabaho it mga raya sa sueod ag guwa it andang mga classroom.
Suno kay Castro nga masyadong manaba ro suweldo it mga manugturo kung igakumpara sa mga pulis ag suldado nga ginpasakaan ko nagtaliwan nga administrasyon ni dating Pangueong Rodrigo Duterte sa 50 % hasta 100 %.
Ginpahayag it mamalidha nga ro House Bill 203 hay isaeang ka refiled bill nga nagatuyong pasakaan ro sweldo it mga manugturo nga may teacher 1 positions maghalin sa salary grade 11 to 15.
Ginpahayag ni Castro bilang mga education frontliners hay ro mga manugturo ro nagaserbi nga “backbone ‘ sa pagpadayun it edukasyon sa pihak it 2 dag-ong blended distance learning it DepEd nga sangkiri eamang ro naging suporta maghalin sa gobyerno sa tunga it COVID 19 pandemic.
