Makabuhin sa gaeastuson it mga manugturo ro bag-ong laye nga nagataas sa andang teaching supplies allowance ag makabulig man raya agud nga mas epektibo nandang maobligahan ro andang obligasyon.
Raya ro naging pahayag ni Senador Sonny Angara matapos pirmahan ni Pangueong Ferdinand Marcos Jr ro Kabalikat sa Pagtuturo Act.
Sa nakataliwan nga dag-on bilang chairman it Committee on Finance, ginpasiguro ni Angara nga naitatao sa mga teacher ro andang teaching supplies allowance.
Sa idaeom it 2020 General Appropriations Act, kabilugang P3.25 bilyon pesos ro gintaeana para sa P3,500 teaching supplies allowance it masobra sa 930,000 nga manugturo sa public schools.
Halin 2021 hasta sa mga sumunod nga dag-on, gintaas ro nasambit nga allowance sa haega nga P5,000 maskin nga uwa pa it nagairal nga laye.
Paathag ni Angara nga maskin uwa pa it Implementing Rules and Regulations, magiging epektibo eon ro laye, 15 diyas matapos ro publikasyon kara sa Official Gazette ag sa mga pahayagang may regular nga sirkulasyon.
