Ginkakas eon ro pagsuksok it facemask sa nasyon it Singapore mag-eowas eon lang kon nagasakay ro mga raya sa pampublikong saeakyan kaparehas it train ukon bus.
Apang, maskin sa mall hay uwa eon sanda ginastriktuhan nakadepende eon lang sa sangka indibidwal kon padayon gihapon raya nga magsuksok it facemask para sa anang kaeowasan.
Raya ro ginpahayag ni Bombo International Correspondent Anna Marie Zorilla it Woodliegh, Singapore kasunod it pag-amat amat nga pagbalik sa normal it andang sitwasyon matapos ro haeos daywang dag-on nga pagpanaeasa it covid-19 pandemic.
Ginpahayag dugang nga maskin imaw hay uwa nakaeampuwas sa virus bangud nga makatlong beses gid raya nga nagpositibo sa virus.
Apang, nagapabilin nga mabaskog ro anang boot para sa ikamayad it anang pamilya.
Ro mga OFW’s suno kana hay uwa it ginaatrasan nga hangkat sa pagpangabuhi eabi eon kon sanda ro ginasaligan it pamilya iya sa Pilipinas.
