Ginpuna it maritime expert nga si Ray Powell ro mga pahayag it China nga dapat sigon boe-on it Pilipinas sa mas madaling panyempo ro BRP Teresa Magbanua sa Escoda Shoal.
Sa naging statement ni Chinese Defense Ministry spokesman Senior Colonel Tan Kefei, ginpahayag nga eabag sa andang laye ro pagpabilin it barko it Pilipinas sa ginatumod nandang Xianbin Reef.
Suno kay Powell, klaro nga uwa it kinamatarong ro China nga pasilabtan ro aktibidad it Pilipinas sa parte it kaeawran nga sakop it exclusive economic zone.
Makabueo-bueo sigon nga gintaw-an pa it pangaean ro bahura bilang Xianbin Reef maskin nga mabuhay eon raya nga ginatawag nga Sabina ukon Escoda Shoal.
Mag-eowas kara, saea nga hambaeon it China nga grounded ro barko nga naka-angkla eamang sa nasambit nga parte it kaeawran.
Para sa maritime expert, uwa nakasayod ro China sa andang mga ginabuhian nga pamisaea.
Si Powell nga sangka dating US Air Force official ag defense attaché hay kilaeang eksperto sa maritime issues sa West Philippine Sea ag maging sa monitoring it mga saeakyan sa nasambit nga parte it kaeawran.
