KALIBO, Aklan — Haeos daywang domingo antes ro Miss Teen International Philippines, sigidas ro preparasyon makaron it 15 anyos nga Akeanon nga si Chieve Llavore para sa pagsabak sa beauty pageant sa maabot nga Hulyo 28 nga pagahiwaton sa Manila.
Sa interview it Bombo Radyo, ginpahayag it Grade 10 nga estudyante halin sa University of the Philippines ukon UP-Visayas nga excited eon imaw nga iga-represent ro Aklan sa nasambit nga kompetisyon .
Ginpahayag dugang nga nag-agi imaw sa hugut nga screening process antes nga napili-an kaibahan ro 19 nga iba pang teen-agers halin sa nagkaeain-eain nga parte it nasyon.
Magiging adbokasiya sigon nana ro pag-conserve it tubi ag pag-amlig sa mga nagapangunang tourist destination sa probinsiya .
Mag-eowas sa bantog nga isla it Boracay hay gina-kangay man nana nga bisitahan ro Hinugtan Beach sa banwa it Buruanga, Jawili Falls sa banwa it Tangalan , La Herminia Pinya Weaving sa Old Buswang Kalibo, ag ro Museo it Akean.
Nasayuran nga ro ama ni Chivie hay tumandok it Ibajay samtang ro anang ina hay taga-Numancia.
Angot kara, nagpangayo imaw it suporta sa mga Akeanon para sa anang journey sa kompetisyon nga kon sa siin raya ro kauna-unahan nga kahigayunan nga nagpasakop sa beauty pageant.
