Eubus ro kalipay it mga Pinoy sa Jakarta, Indonesia matapos nga nakipagkita kanda si Pangueong Ferdinand “Bongbong” Marcos Jr. sa gin-organisa nga meet and greet event sa Fairmont Hotel nga una sa kabisera it nasambit nga nasyon.
Suno kay Bombo International Correspondent Violy Bulseco it Jakarta, Indonesia nga naging mapinuslanon ro andang paghueat sa pag-abot it presidente kon siin presente sanda sa event nga halin pa ko kampanya hay mga supporters eon it UniTeam.
Makit-an ro mainit nga pagsug-aeaw it Filipino Community kay Marcos bangud sa kabaskog it singgitan it mga raya samtang ginawagayway ro flaglets it Pilipinas nga andang daea.
Naging vocal ro Pangueo sa anang mga plano para siguruhon ro kapakanan it mga overseas Filipino workers.
Kaeakip eon kara ro automation it andang mga kontrata ag ro One Repatriation Command Center, maging it National Reintegration Program.
