Ginsugo ni Pangueong Ferdinand R. Marcos Jr. ro Department of Agriculture (DA) nga insigidang buligan ro mga mangnguma ag mag mangingisda nga naapektuhan Bagyong Carina ag Habagat sa Central Luzon.
Suno sa Pangueo, kinahang-ean nga buligan ro mga mangunguna sa probinsiya agud makabawi para sa presenteng tyempo it pagpananom.
Dugang pa ni Marcos, halin sa rescue operation hay maga-angkon it relief operation bago mag-angkon it rehabilitasyon, ngani importante nga maeksamina ro mga imprastraktura.
Ginlinaw pa nana nga ro sektor it livestock sa rehiyon hay mahimo makabawi ag ro kinahangean eamang hay sayuron it DA ro mga prayoridad nga lugar ag matapos ro pag-eksamina, mahimo taw-an it DA ro mga mangunguma, mangingisda ag mga naga-alaga it kasapatan it mga binhi, fingerlings, ag brood sow para sa andang pagbangon.
Pahayag man ni Bulacan Gov. Daniel Fernando nga ro kasamaran partikular sa agrikultura ag pangingisda, hay naga-abot sa haega nga P103.7 milyon kun siin kaibahan sa mga naapektuhan hay mga paeay, tinuea, mais, mga pananom, aquaculture, capture fisheries, ag livestock ag poultry.
Una sa 17 LGUs sa Bulacan ro eubos nga naapektuhan.
Daywang syudad sa Meycauayan ag Malolos – ag waeong munisipyo — Marilao, Calumpit, Santa Maria, Obando, Hagonoy, Guiguinto, at Balagtas — ro nakakaeksperyensya it grabeng pagbaha.
Samtang 13,021 pamilya, o 48,000 indibidwal ro ginbakwit sa 318 evacuation center ku Biyernes it hapon.
