Magapatigayon it preliminary investigation ro Pasay City prosecutor’s office (OCP) sa kaso it importasyon it iligal nga droga kontra sa onga ni Justice Secretary Jesus Crispin Remulla nga si Juanito Jose Remulla III.
Suno kay Justice Prosecutor General Benedicto Malcontento nga ginpasakaan it kaso si Juanito Remulla it pag-eabag sa Republic Act No. 9165 ukon ro Comprehensive Dangerous Drugs Act of 2002.
Ko Oktubre 14, non-bailable ukon owa it nakataeanang piyansa ro kaso ni Juanito may kaangtanan sa possession of illegal drugs sa criminal charge sheet nga gindihon it Las Pinas City OCP sa regional trial court (RTC).
Suno sa DOJ official, ro inisyal nga ginpasaka nga kaso sa Las Pinas City OCP nga nagpahayag nga magadesisyon nga dapat rayang i-refer sa Pasay City OCP.
Apang ro rulings it city ag provincial prosecutors hay posebling i-apela sa Office of the Secretary of Justice para sa pag-review.
Apang suno kay Remulla nga indi eon raya paabuton pa kana ag igapresentar eon lang sa korte.
Suno pa sa Justice Secertary nga ro anang ingkampod ro ginboue nga abogado it anang onga.
Samtang, una eon man nga ginpahayag ni Remulla nga pagapabay-an nanang maangkon ro hustisya ag dapat nga atubadngon it sangka indibdiwal ro consequences it anang ginhimu kasunod it pagkaaresto it anang onga bangud sa iligal nga droga.
