Sangka Italian musician nga nagpaidaeom sa brain surgery ro nagtukar it saxophone sa bilog nga siyam nga oras it anang operasyon!
Sa press release it Paideia International Hospital, ginkinahang-ean nga bugtaw sa bilog nga operasyon ro 35 anyos nga pasyente para makasigurado ro anang mga doktor nga owa it masamad nga neurological function samtang ginabuoe ro tumor sa anang utak.
Suno sa pakikipag-angot sa neurosurgeon ag surgery leader nga si Dr. Christian Brogna, ginpahayag kara nga sa bulig it awake surgery, makatao raya it extreme precision samtang gina-operahan ro pasyente ag para owa it maapektuhan nga neuronal networks nga naga-giya sa nagkaeain-eain nga brain functions kapareho it paghambae, paghueag, paghuyap ag pagdumdom.
Antes operahan ro pasyente nga gintago sa alyas nga “GZ”, namitlang kara kay Dr. Brogna nga mayad imaw sa pagpatukar it saxophone.
Ginpahayag kara nga indi kunta maapektuhan ro anang musical abilities matapos ro brain surgery.
Bangud kara, ginhinyu it mga doktor kay GZ nga magpatukar imaw samtang gina-operahan.
Naging madinaeag-on ro pagbuoe it brain tumor kay GZ.
Madasig imaw nga na-discharge sa ospital ag sa makaron hay nagapamayad eon sa anang baeay.
