Kalibo Aklan ——-Sangka patay ag nagaka-agnas eon nga balyena ro nakit-an nga naga-eutaw-eutaw sa kaeawran nga sakop it Kaman-ulan Beach sa Isla it Boracay.
Suno kay Mr. Denric Sadiasa, Municipal Agriculturist it Malay nga naispatan eon sigon it pilang mga residente kahapon sa lugar ro balyena nga naga-eutaw-eutaw hasta nga nasapwan raya kaina it agahon sa bibi it baybay sa sueod it sangka private property.
Sa andang pag-usisa, may una raya nga haba nga 12 centimeters.
Indi eon sigon matumod it Department of Environment and Natural Resources (DENR) kun anong klase it balyena raya ag ano ro rason it anang pagkamatay bangud nga una eon sa state of decomposition .
Ginpakamayad nga gin-eubong nanda ro balyena sa Barangay Bulabog sa nalikod nga parte it Boracay sa bulig it mga tawuhan it MDRRMO, Bantay Dagat, Philippine Coast Guard, Maritime Police ag mga residente sa lugar bangud sa sobrang kabug-aton .
