Uman nga gintaw-an it diin ni Pangueong Ferdinand Marcos Jr., ro pag-usisa sa alyansa it Pilipinas ag Amerika partikular sa sitwasyon sa West Philippine Sea ag Indo Pacific Region.
Ginpunto it Presidente ro kahaeagahan it pagiging bukas it komunikasyon it daywang ka nasyon. Sa Pilipinas makarang adlaw sanday US Secretary of State Anthony Blinken ag US Defense Secretary Lloyd Austin para mag atendar sa 2+2 meeting.
Suno kay Pang. Marcos importanteng matun-an ag uman nga sayuron ro alyansa it Pilipinas ag Amerika angot sa sitwasyon makaron sa West Philippine Sea ag Indo Pacific Region. Nagapati ro Pangueo nga magkakaparehas man ro sabat sa mga topiko kara it parehong nasyon.
Ginhambae pa it pangueo nga nagbaskog pa ro andang alyansa ag partnerships it amerika halin sa mga aktibidad nga magkaibahang ginhimo it parehong nasyon sa mga nakataliwan nga buean kaibahan eon ro trilateral meeting nga ginhiwat sa Washington.
Suno pa sa Pangueo, masadya imaw nga makita ro daywang US officials, sa tunga sigon kana hay interesanteng sitwasyong pampulitika makaron sa Amerika. Nagakalipay sigon imaw nga nausuyan pa nanday blinken atg Austin it oras ro pagbisita kara sa pilipinas.
