Nakipagpueong si Pangueong Bongbong Marcos sa mga executive halin sa mga kumpanya it telekomunikasyon nga Converge ICT ag South Korean telco giant nga KT Corporation para talakayon ro pagpakamayad sa mga serbisyo sa internet it Pilipinas.
Ginpakigbahin mismo it pangueo sa anang social media page ro anang mga litrato nga nakigkita sa Converge CEO Dennis Uy ag Korean executives CEO Ku Hyeon-mo ag President Yun Kyoung-lim it KT Corporation sa Malacañang.
Ginpahayag ni Marcos nga gintalakay nanda ro mga serbisyo sa internet it nasyon ag kung paano makabulig ro public-private partnership (PPP) nga mapamayad ro mga raya.
Pamaagi sigon sa Public-Private Partnerships kapareho kara, ro andang mga manami nga eksperyensya hay puweding gamiton sa mga programang pagahimuon.
Ro KT Corporation hay ro pangaywang pinakamabahoe nga wireless carrier sa South Korea, nga may haeos 16.5 milyong subscriber ko 2017.
Suno sa Office of the Press Secretary, ro KT Corporation hay nagapakigbuylog sa mga gobyerno sa nagakaeain-eain nga nasyon para maglunsar it mga imprastraktura it impormasyon ag komunikasyon.
Nasayuran ko nagtaliwan nga buean it Mayo , nagpahayag it suporta ro South Korea nga pondohan ro mga proyektong magadaea sa digital transformation it Pilipinas pamaagi sa imprastraktura, digital economy, ag pagbilog it mga e-skilled nga indibidwal.
