KALIBO, Aklan — Indi madayun si Pangueong Rodrigo Duterte sa pag-agto sa isla it Boracay sa Oktubre 26 sa unang anibersaryo it uman nga pagbukas kara matapos nga ginpaidaeum sa 6 nga buean nga paglimpyo ag rehabilitasyon.
Raya ro ginkumpirma sa Bombo Radyo ni Boracay Inter-Agency Rehabilitation Management Group General Manager Natividad Berdandino.
Suno kana sa baylu nga Oktubre 26 hay ginaeauman nga sa Nobyembre 5 raya maga-abot agud nga pangunahan ro pagpanupod it Certificates of Land Ownership Awards (CLOAs).
Madumduman nga ko Nobyembre it nagtaliwan dag-on, gin-umpisahan it Pangueo ro pagpanupod it pilang porsyon it Boracay sa mga miyembro it Boracay Ati Tribal Organization (BATO) ag Agrarian Reform Beneficiaries (ARBs) pagkatapos nga maibalik ro dating kaanyag it isla bangud sa overdevelopment.
