Naga-eapnaag makaron sa Espansya ro mga pekeng 50 euros bill.
Raya hay mag-euwas pa sa napabalita nga pagkalhit it mga pekeng 500 euros bill ko mga nagtaliwan nga buean.
Suno kay Bombo International Correspondent Maria Edzel Lamparero Lopez it Madrid, Spain nga maabu nga mga Filipino ro nabiktima it pekeng kwarta.
Ginpaandaman man kara ro kaparehong Pinoy nga maging madahan ag usisaon it mayad ro ginabuytan nga kwarta para indi mabiktima.
Madumduman nga nauna eon nga gin-raid it mga otoridad ro sambilog sa pinakamabahoe nga laboratoryo it pekeng kwarta sa nasyon ko mga nagtaliwan nga dominggo.
Sa pihak nga parte, padayun man ro pagnaba it haega it Euro kontra sa US dollar.
Suno kay Lopez, ro baylo it sangka euro hay naga-abot sa 0.97 dollar.//Samtang, P57.43 mat-a ro bayluhan kara pag-abot sa piso.
