Inde makaapekto sa mga kasong ginpasaka kontra kay suspended Mayor Alice Guo ro kan-o eamang nga findings it National Bureau of Investigation angot sa pekeng pagkakilan-ean it alkalde matapos umeksakto ro anang fingerprints sa Chinese national nga si Guo Hua Ping suno sa Department of Justice.
Dugang pa ni Justice Assistant Secretary Mico Clavano nga nagdihon eon sanda it criminal charges kontra kay Alice Guo ag may mga pag-istorya eon sa anang pekeng pagkakilan-ean.
Engkaso sigon nga mapamatud-an nga stolen identity ro ginagamit makaron it suspendidong alkalde, makaangkon pa raya it iba pang liability ukon saeabton.
Nauna eon nga ginbulgar ni Senator Risa Hontiveros nga ginkumpirma it National Bureau of Investigation nga sangka tawo eamang si Mayor Guo ag Guo Hua Ping kasunod it findings nga tumugma ro andang fingerprints.
Samtang, ginpahayag ni ASec. Clavano nga inde pwedeng ipadeport si Guo bangud nga nakasuhan eon imaw it mga kasong kriminal iya sa nasyon.
