KALIBO, Aklan—Ginpasiguro it Provincial Engineering Office (PEO)-Aklan nga magapadayun ro andang pag-repair sa mga daeanon partikular sa kahabaon it Brgy. Bacan, Banga.
Suno kay Engr. Moriel Macavinta it PEO-Aklan nga on going eon ro andang ginahimo nga re-blocking sa nasambit nga karsada.
Temporaryong nagapundo eamang sigon ro andang pag-ubra kun maeain ro tyempo ukon naga-uean.
Nagapati si Engr. Macavinta nga mabahoe ro epekto sa madasig nga pagkasamad it karsada it mga overloaded truck ag naga-agi nga daeagkuan nga saeakyan.
Samtang may pondo, magapadayun man sigon ro andang pag-repair sa mga daeanon.
Dugang pa kara nga gindamoe pa nanda ro pagsemento nga halin sa dating 10 inches hay ginhimo eon nanda raya nga 12 inches makaron.
Naga-abot sigon sa 180 span it karsada ro ginakinahang-ean nanda nga ayuson kung siin may pondo raya nga kapin sa P5 million.
Sa makaron, 40 porsyento pa eamang it kabilugan nga proyekto ro andang naayos.
Nasayuran nga masami nga ginareklamo ro nasambit nga daeanon bangud sa pagiging takaw-disgrasya kara sa mga motorista.
