Insigidang ginveto it Board of Directors it Philippine Health Insurance Corp. (PhilHealth) ro proposisyong pagbakae it P37.5 million pesos nga haega it items para sa ika-30 anyos nga anibersaryo it state health insurer sa buean it Pebrero 2025.
Ro nasambit nga haega hay parte it marketing and promotional expenses para sa official event it Philhealth.
Ginpahayag it Department of Health nga nagdesisyon ro board of directors it Philhealth nga ginapamunuan ni Health Secretary Ted Herbosa nga kanselahon ro ginaduso nga pagbakae para makatipid sa pondo it gobyerno ag masiguro ro maayos nga alokasyon para sa mga benepsiyo it mga miyembro it Philhealth kadungan sa pag-engganyo para sa financial responsibility.
Sa parte mat-a it Philhealth, nauna eon nga ginklaro nga kapin sa “few hundreds thousand pesos” eamang ro andang pagagamiton para sa andang 30th anniversary para sa masunod nga dag-on ag bukon it ro inisyal nga planong P138 million pesos.
