Activated eun ro passenger assistance ag naka-hightened alert ro Philippine Coast Guard Aklan sa ginaeauman nga pagdagsa it mga pasahero sa paeaabuton nga eleksyon ag pista minatay.
Raya ro ginpahayag ni Senior Chief Petty Officer Dominador Salvino, Deputy Commander for Operations it PCG-Aklan.
Ginaeauman sigon nanda ro pagtaas it numero it mga pasahero nga maga-uli sa Biyernes it hapon hasta sa Dominggo nga adlaw nga bespiras it eleksyon nga halin sa ibang lugar.
Samtang, gindugang pa kara nga kaibahan sanda sa mga maga-escort kaibahan ro PNP sa mga igahatod nga election paraphernalias sa mga isla, ag pati man sa pagbalik sa kutob sa andang masarangan.
Sa pihak nga parte, sa paeabuton nga undas, maabo sigon ro mga nagabiyahe nga barko apang sa makaron hay owa pa sanda it may na-monitor nga additional trip.
Ginpasiguro man nana nga bastante ro numero it mga barko nga nagabiyahe halin sa Batangas ag Mindoro port , kun sa siin 24 oras ro andang operasyon.
Dugang pa ni Salvino nga maga-instrikto sanda sa pag-check sa numero it mga pasahero agud nga malikawan ro overloading.
Gina-antisipar sigon nanda ro pagdagsa it mga bisita sa Boracay bangud sa long weekend rason nga activated eon ro andang passenger assistance desk.
Padumdom man nana sa mga nagabyahe nga mag-obserba sa mga sitwasyon ukon updates agud nga malikawan ro pagka-aberya it andang mga biyahe ag haom ro PCG nga magbulig.
