KALIBO, Aklan —- Pilang residente ro nagpaabot it reklamo sa Bombo Radyo matapos nga gina-alegar nga owa ginapaboto it andang barangay captain ag mga kagawad.
Suno sa tagreklamo nga nagpamalibad nga magpamitlang it pangaean nga bukon it prayoridad sa pagboto ro mga residente nga undecided ukon owa pa it nakalinyang kandidato nga pagabotohan.
Gina-skedyul suno kana ro pagboto idtu, kun sa siin, ro mga undecided voters hay ginapaboto sa hapon.
Nasayuran nga pila sa mga botante hay naghalin sa mga maeayo nga lugar ag nag uli eamang sa Aklan agud nga makaboto, apang bangud sa patakaran hay owa eon sigon nanda na-exercise ro andang right to suffrage ukon kinamatarung sa pagboto.
Ginpahayag dugang nga may gina-alegar nga ginapanupod nga P600 sa mga botante, apang hin-aga pa it Martes ro distribusyon pagkatapos it eleksyon.
Sa makaron hay padayun ro pakikipag-angot it Bombo Radyo Kalibo sa Barangay Council it Aranas, Balete agud nga mabo-oe ro andang parte.
