Pumirma ro Pilipinas ag Cambodia sa waeong kasugtanan para pabaskugon ro koneksyon sa agrikultura, edukasyon, turismo, ag teknolohiya, kadungan it bilateral meeting nanday Pangueong Ferdinand R. Marcos Jr. ag Punong Ministro Hun Manet sa Malacañang.
Kaeakip sa mga kasugtanan ro eliminasyon it dobleng pagbuwis para pauganon ro paeas-anon sa mga nagapamuhunan, pati eon man ro pagpabaskog it kompetisyon sa negosyo ag pagbaeayluhan it kasayuran sa investment promotion.
Ginpermahan man ro memorandum of understanding (MOU) sa Agrikultura ag Agribusiness para mapamayad ro mga plano sa agrikultura ag pabaskugon ro international trade sa sektor.
Suno kay Marcos, mahaegang kapares ro Cambodia sa siguridad sa pagkaon. Pinabaskog man ro Technical Vocational Education and Training (TVET), turismo (2024-2028), ag digital transformation sa gobyerno, nga magapadali sa pagbaeayluhan sa kasayuran ag teknolohiya.
Mageuwas kara, pinirmahan man ro memorandum of understanding (MOU) sa Proteksyon it Yamang Kultural kontra sa pagpangnakaw ag iligal nga pagbaligya.
Ginpahayag ni Marcos ro kumpiyansa nga maga-bunga ro mga kasugtanan ngara it mas matibay nga relasyon ag mas maabong oportunidad para sa parehong nasyon.
