Nagkasugot ro Pilipinas ag China nga pabaskugon pa ro bilateral relation partikular sa mga katuyoang igapakamayad it mga customs policies.
Naghiwat it courtesy call kay Bureau of Customs (BOC) Commissioner Yogi Filemon Ruiz si Counsellor Yang Guoliang,ro Economic and Commercial Counselor it Embahada it Tsina sa Pilipinas.
Tuyo kara hay para talakayon ro pag-ayos it mga ugali it kada nasyon.
Ginpahayag ni Ruiz, nga nagatindog bilang Customs chief, nga pagatutukan nana ro pitong nagapanguna nga tikang para maayos ro operasyon it BOC.
Kaeakip eon kara ro zero tolerance para sa mga smuggler it droga, pagtapna sa gun smuggling, pagboue it agricultural smuggling, pagtaas it revenue generation, eubusan nga digitalization it mga proseso it Customs, pagtaas it moral it empleyado, ag pagtapna sa korapsyon.
Sa andang naging pagpueong, nagpromisa man sanday Ruiz ag Yang nga magabueoligan ro sangka “solid customs-business partnership” pamaagi sa Authorized Economic Operator (AEO) Program.
Ro nasambit nga programa hay sambilog sa mga pondasyon it World Customs Organization (WCO) SAFE Framework of Standards.
Raya hay sangka partido nga eakot sa international movement of goods, sa ano man nga responsibilidad , nga gin-aprubahan it pambansang administrasyon it Customs bilang magasunod sa World Customs Organization ukon katumbas it mga sueundanan sa seguridad it supply chain.
