-- ADVERTISEMENT --
Gindumdom it mga progresibong grupo sa probinsya it Aklan ro ika-50 anyos nga anibersaryo it pagpatuman kato it Martial Law ni dating Pangueong Ferdinand Marcos Sr.
Raya hay pinaagi sa sangka protesta nga ginpatigayon sa Kalibo pastrana park bandang alas-3:00 kahapon.
Suno kay Mr. Kim Sin Tugna, provincial coordinator it Bagong Alyansang Makabayan ukon Bayan Aklan nga tuyo it nasambit nga aktibidad nga mapunggan ro uman nga pagpaidaeom sa diktatorya ro nasyon.
Mag-eowas kara, para padayon nga dumdumon ro masalimoot nga inagyan it mga Pilipino sa tyempo ni Marcos Sr. kon siin kapin sa 100,000 ro naging biktima it karahasan partikular ro illegal nga pagpang-aresto, torture ag maabong iba pa.
