SPORTS News — Sa pihak it naagum nga kapiyerdihan sa Nigeria, nakahimo it Olympic basketball history ro Australian basketball legend nga si Lauren Jackson.
Raya hay bangud sa anang edad nga 43 anyos ag 79 diyas.
Si Jackson ro nangin pinakamagueang nga basketball player, sa babayi man ukon eaeaki, nga naghampang sa Olympics.
Gin-guba nana ro record nga gin-set ni Lala Palau it Spain sa Tokyo 2020 nga nagapang-edaron it 41 anyos kat naghampang sa Japan may tatlong dag-on eon ro nagtaliwan.
Sa hampang sa Nigeria, si Jackson hay nagbuhay sa court it haeos 13 minutos ag nag-score it six points ag two rebounds.
Raya eon ro ikalima nga Olympics appearance ni Jackson.
Ginpamunuan nana ro Opals sa tatlong magkasunod nga silver medals halin sa Sydney paagto sa Beijing antes nag-settle sa bronze sa London.
Ro three-time WNBA MVP ag two-time champion sa Seattle Storm, nag-retire si Jackson ko 2016 bangud sa multiple injuries.
Nagbalik imaw ko 2022 ag naghampang para sa Opals sa FIBA Women’s Basketball World Cup it kapareho nga dag-on.
Ginabuytan nana ro Olympic women’s record for points, field goals made, rebounds, ag blocks.
