KALIBO, Aklan — Sangka 25-anyos nga babaye nga nabudlayan nga maka-usoy it boyfriend bangud sa sobrang kataason kara ro makaron hay ginadumog it mga nagapangasawa matapos raya nga mag-viral sa social media!
Unga pa eamang si Xiao Mai hay nasayuran eon it mga ginikanan kara nga sobra ro anang kataason bangud nga sa grade 7 pa eamang raya kato hay six footer eon imaw.
Owa nagpundo ro pagtaas ni Xiao Mai bangud nga kada dag-on hay nadudugangan ro anang height it 10 centimeters.
Naging basketball player imaw it anang high school apang nagpundo bangud nga nagka-injury ag mas ginpili nana nga mag-focus sa pag-tuon.
Makaron nga 25 years old eon imaw hay nag-abot eon sa 7 feet 5 inches ro anang height.
Bangud kara, maskin ro mga mataas nga eaeaki sa andang lugar hay naga-itsurang maisot sa anang iping rason nga nabudlayan imaw nga makaangkon it boyfriend.
Naghimo it vlog ro ina ni Xiao Mai para makilaea imaw sa bilog nga China ag maka-usoy raya it magabagay sa anang unga.
