Gin-ilihir it International Criminal Court (ICC) ro Australian lawyer nga si Kate Gibson bilang associate counsel ni dating Pangueong Rodrigo Duterte sa anang ginapangatubang nga kaso.
Ro pag-ilihir hay ginpatigayon kasunod it hinyo it lead counsel nga si Peter Haynes.
May maewig nga eksperyensya si Gibson sa pag-atubang sa mga international courts ag tribunals, kaibahan ro mga kasong may kaangtanan sa mga armadong kinagamo ag krimen kontra sa sangkatawuhan.
Naging parte man imaw it mga kasong ginaimbolbaran nanday Jean-Pierre Bemba, Bosco Ntaganda, ag Joseph Kony, ag naging legal consultant it United Nations fact-finding mission sa Myanmar.
Samtang, nakataeanang bistahon si Duterte sa ICC matapos pabaskugon it mga hukom ro mga kasong crimes against humanity angot it anang kampanya kontra droga.
