Ginkilaea sa Japan ro sangka Pinoy matapos sa pag-euwas sa sangka Japanese national nga naghana nga magpakatamay.
Nakilaea ro nasambit nga Pinoy kayEmil Reboja Vega, 32-anyos ag residente it Albuera, Leyte, nga naga-trabaho bilang plumber sa Asaka City, Saitama Prefecture sa Japan.
Nasayuran nga ku nagtaliwan nga Abril 24, samtang nagapauli halin sa trabaho si Vega, haagyan nana ro sangka babayi nga nagahana nga mag-eumpat sa sangka tulay.
Owa it pagduha-duha si Vega ag nagpanaog sa motorsiklo nga ginamanehar ag ginbuytan ro alima it babayi ag insigida nga nagpangayo it bulig sa palibot asta nag-abot ro mga pulis.
Mataeopangdan nga pagkatapos it insidente hay sangka award ro gintao kay Vega ni Asaka City Police Commissioner Chief Police Inspector Makoto Sato.
Kasunod kara sangka certificate kara ro nabaton sa isaeang ka seremonya nga ginpatigayon it mga local authorities.
